L'Oreal x 仁光堂 ?!

話說早前買入L'Oreal White Perfect Day Cream SPF15幾盒


用了半盒，一直相安無事。

直到月頭，轉了IPSA的粉底。

咦？怎麼上粉會出現擦膠屑？左試右試，才發現是L'Oreal的面霜出事。

未用的，都放到trade版出清了；正在使用中的，又怎麼辦？

於是，把心一橫，來個crossover。

找來去年年底購入的茶花籽油，今次用的是左邊一瓶

(按按我看看兩支油的介紹)

先取一些日霜



再加適量的茶花籽油


溝勻再印上面~

測試結果：成功解決擦膠屑情況 ！面霜也成功免除被打入冷宮！

我的第一次雷會

係呀~前日先至第一次去雷會喳~ 之前一係時間唔o岩，一係報唔到名。今個月，終於有我份喇

去雷會之前，其他sis去左NARS掃貨，我就去樂文書店買左兩本書

四月一號就去台南喇，三月二十六號先去買書
另外買左李韡玲既新書~~ 坦白講，不太喜歡她的文字(不知怎地，總覺得好累贅~可能係我個人心急，想快d知道美容tips，而對d故事背景無乜與趣卦)，不過近來對有機同埋天然既產品比較有興趣，個人亦幾buy佢d產品既concepts，而且難得地係香港製造喎~ 於是又乖乖畀錢lu


上到cafe，第一件事係搵大佬b領「獎」~ 好多謝大佬b幫忙拎呢支試用去旺角，等我唔使特登出去尖沙咀拎

第一次見面，心裡面當然有d緊張既，不過坐埋附近有幾位sis原來都係第一次出席，大家傾下了解下，時間係過得超快架喎

全晚玩玩食食，除左一晚既歡樂同埋眼福 (校服索look令人大飽眼福)之外，究竟有乜收穫呢？



Gi家製的G'aroma 美白淡斑精華液~樽上貼了一個「瞳」字，相信是瞳瞳先讓給我吧？感激不盡啊



是Yvonne的出清！本來打算買給母親，點知佢話唔要 (之前就係見佢買黎用喳嘛) BTW, Yvonne出清量冠絕全場

這是小天的出清~~ 早前買了一支，用左一陣，感覺幾好~ 而家有超抵出清，當然係第一時間舉手認投啦
然而小天亦睇o岩我出清既大腸清道夫，結果大家係交換左products，一蚊都唔使畀~~

其實仲有以下呢兩樣野係SIS送架

多謝小天的skinfood black raspberry su serum

亦多謝mnwl送出我的美麗日記

玩到最後，原來有抽獎喎~~ 幸運地得到maybelline eye shadow一盒~!


其實當日有個可能係好秘密既secret task (至少我事前唔知)，就係幫大佬b補祝生日

what a sweet couple~! 我當日無膽問，究竟個熊貓黑眼圈係唔係畫落去架？


一人有一張班相！點解我呢張可以影到咁有意境？

我做了cheap 精

因為要d時間整理d相，所以唔講尋晚雷會住~ 講左今日既事先，少d相快d搞掂

中午出門口果陣琴琴青，撞鬼地無執到支hand cream入手袋 (換袋換漏野囉~ 上星期六換漏銀包添呀)

去到目的地，再去商場個洗手間借個方便，洗完手，對手乾到無朋友~ 其實琴日全日外出無返office，已經無搽過hand cream，夜晚去雷會就當然無搽，返到屋企臨訓又唔記得
即係話，果一刻，我超過36個鐘無搽過handcream呀

係十八廿二當然無所謂，之但係我呢d「中女」，唔得架喇

行過七仔，睇下有無好野先~順手可以儲埋IQ博士印花

結果見到呢個

話說今朝出門口前，睇左羽翹既video


佢封左呢支handcream做cheap精之選 (包裝有d分別，不過more or less should be the same)


$21.8買到四支喎，唔係唔cheap呀嘛~~~ (為左買夠$20有個印花，搞到隨身帶住咁多handcream，其實可能都係好cheap)

咁佢有咩咁把閉先

懶得打，影張相，大家一齊慢慢睇

下午1:30入到人地屋企，搽完響手，對手當堂有返哂光澤 (當然啦，咁耐無搽cream，搽乜都變神仙！)

期間兩個鐘，無洗手無勞動，只係坐響到掀下書吹下水，對手keep到有光澤，唔lup

3:30有用洗手液洗下手，抹乾睇下對手，都ok喎，當然隔左咁耐唔會話仲好有光澤，不過未去到乾到我要飛撲埋支cream度再搽啦

傍晚返到屋企，補返兩張相畀大家睇

hand cream實貌，白色，無味


搽完對手有光澤，唔lup果下好

總結係，cheap得過呀

又黎報告袁彌明erica引入的phion products

去年七月，曾經一口氣匯報>>>Mi Ming Mart七款products的用後感 <<<

事隔大半年，袁小姐開樓上鋪後，入新貨速度快了很多，財力有限的我當然追不上其入貨速度而試盡每種產品~~不過，也試了一些新產品一段時間，於是便再上來分享一下。

今次要講的是phion booster，有興趣可先看看>>> Erica的短片介紹<<<：


這個紙盒比手掌還要小一點，內藏兩支液體，分別叫Ion Booster和pH Booster。用法是每八安士的水，滴六滴Ion Booster和pH Booster。香港人其實少用安士去計水的份量，為此也特意上Google兌換一下，才搞清楚是多少毫升。

用過test strip測試家中飲用水的ph值，結果如下：

原來家中的水本來也算是中性(左)，加了Booster的水，便得更鹼(右)。

飲用約半年(沒有天天飲，平均一周的飲用水有一半加了Booster)，總結一些自家心得：

• 此東西無色無嗅，但飲落口是會感覺到水的味道與平日飲用的水有別 (抱歉，文字功力有限，不懂表達~ 黎緊星期五會去雷會的sis，有興趣試的話講聲我知，我可帶來給大家感覺一下)，建議初用者減少Booster分量，習慣味道後才逐漸增加
  
• 通常我會裝滿500ml的膠水樽，再用兩支Booster各滴十二滴，搖勻( <-- 非常重要，要是滴落一杯水中的話，請記得攪拌，否則飲到最後的一兩啖，會感覺到很濃縮的booster存在著)，備用
  
• 早前買過一款雀巢的「類似即沖五穀類物體早餐」(很怪的東西吧) 的飲品，初次飲用後發現口腔「酸mei mei」，再飲水也沖不走那種感覺。第二次飲用時，足分量的添加Booster，便不再有「酸mei mei」了

講到尾，究竟，對身體有無好處呢？於我而言，有時會覺得喉嚨很涸(冬夏均試過)，即使連喝兩杯水，也會覺得乾涸；但飲加了Booster的水，已不見這個問題了。

LCX 魅力遊蹤 go go go 收穫總結

先黎coupon

潔面products

磨砂/去角質/Scrub


爽膚水/化妝水

精華素

晚霜/cream


Paper masks


粉底/BB cream


Hand cream


香水


多謝theztyle & LCX